مشروع يهدف لتحقيق الاكتفاء الذاتى زراعيا والتوعية بأهمية الزراعة والمزارع

بداية أحب أعبر عن بالغ سعادتى بوجود نشاطات اتبلورت فى عمل منتدى بالشكل ده واللى يمكن يكون بجانب انه

نشاط تثقيفى لاختصاص بعينه وهو الزراعة ,لكنه ممكن يمتد ويكون أداة للتواصل بين ناس كتير كان الرابط الوحيد

ما بينهم هو القرية والنشاط الاساسى ليهم أو الحرفة اللى طلعوا عليها كانت الزراعة بغض النظر عن المستوى ا

لتعليمى اللى وصل له أيا منهم.

وبحب أفتح كلامى بمقولة هامة جدا لسيدنا الشيخ الشعراوى لما قال "اللى أكله ما من فاسة ,يبقى فكرة ما من

راسه" وبالفعل نظرا لتدنى مستوى زراعتنا مقدرناش نحقق اكتفأ ذاتى واضطرينا نعتمد على دول زى أمريكا

وروسيا كمورد لمحاصيل مهمة جدا زى القمح, القمح اللى الامبراطورية الرومانية كانت بتعتمد على مصر انها تورده

ليها دلوقت بقينا بنستوردة , وطبعا مافيش حاجة ببلاش وبقى القمح أداه للضغط علينا وبيترتب عليه مواقف سياسيه

انقذتنا من الجوع لكن ضيعتلنا كرامتنا.

لازم نهتم بالزراعة والاهم اننا ندرك فعلا قد أيه الزراعة دى مهمة وانها عامل أساسى لتحقيق اقتصاد قوى وبناء دولة

معاصرة قوية , ويمكن الفرصة مواتية دلوقت لان فيه ثورة حصلت وكل يوم فيه ثورة لتصحيح الاوضاع ولازم الزراعة

يكون ليها الاولوية من ناحية الاهتمام بيها.

لازم نعرف ان اسرائيل من اهم عناصر القوة عندها بجانب التكنولوجيا وجود زراعة قوية جدا.

أرجو انى ماكنش طولت عليكم وارجو كذلك اننا نولى الزراعة الاهتمام اللى تستحقة واننا نرجع لجذورنا تانى ونهتم

بيها عشان هو ده اللى هيخلينا دولة محترمة وقوية ,مش الجرى ورا حاجات فارغة زى مظاهر التكنولوجيا ومظاهر

غريبة تانية عمرها ما هتقدمنا خطوة واحدة لقدام بل انها بتخلينا مسخ وبغبغانات بنقلد من غير ما نفهم.

والسلام ختام

» مشروع تحسين المستوى البيئى والصحى والاقتصادىاالممول من الصندوق الاجتماعى للتنمية والاتحاد الاوربى